مشرقی یوکرین میں ایک ریلوے اسٹیشن پر مبینہ روسی راکٹ کے حملے کے نتیجے میں کم ازکم باون افراد ہلاک جبکہ سو سے زائد زخمی ہوگئے ہیں۔
مقامی اہلکاروں کے مطابق میزائل حملہ ایک ایسے وقت پر کیا گیا، جب انخلاء کے لیے بڑی تعداد میں شہری ریلوے اسٹیشن پر موجود تھے۔ بتایا گیا ہے کہ کراماٹوسک ریلوے اسٹیشن پر دو راکٹ گرے۔ ادھر یوکرین کے صدر وولودیمیر زیلنسکی نے عالمی برادری سے روس کے خلاف سخت ترین اقدامات کی اپیل کی۔ جرمن چانسلر اولاف شولس سمیت دیگر عالمی رہنماؤں نے اس روسی حملے کی سخت مذمت کی ہے۔
