پاکستان سپر لیگ(پی ایس ایل) میں اعظم خان کی عمدہ بیٹنگ کے باوجود پشاور زلمی نے اسلام آباد یونائیٹڈ کو 10 رنز سے شکست دے کو دو قیمتی پوائنٹس حاصل کر لیے۔
لاہور کے قذافی اسٹیڈیم میں کھیلے گئے ایونٹ کے 24ویں میچ میں پشاور زلمی نے اسلام آباد یونائیٹڈ کو پہلے باؤلنگ کی دعوت دی تھی۔
پشاور زلمی نے اننگز کا آغاز کیا تو محمد حارث نے پہلے ہی اوور سے جارحانہ انداز اپناتے ہوئے وکٹ کے چاروں جانب خوبصورت اسٹروک کھیلے۔
