ایشیا کپ کے سپر فور مرحلے میں سری لنکا کے سپنرز نے بھارت کے خلاف میچ میں نئی تاریخ رقم کر دی۔
منگل کو کولمبو میں کھیلے جارہے میچ میں بھارت نے ٹاس جیت کر سری لنکا کے خلاف پہلے بیٹنگ کرنے کا فیصلہ کیا تھا جو بظاہر درست ثابت نہیں ہوا۔
بھارتی بیٹرز سری لنکن سپنرز کے جال میں پھنس گئے، پوری بھارتی ٹیم 50 ویں اوور میں 213 رنز بناکر آؤٹ ہوگئی۔اہم بات یہ ہے کہ تمام 10 وکٹیں سپنرز کے نام رہیں۔
سری لنکا کی جانب سے نوجوان سپنر دونتھ ولالاج نے 5 کھلاڑیوں کو آؤٹ کیا، سپنر اسا لنکا نے 4 وکٹیں حاصل کیں جبکہ سپنر مہیش ٹھکشنا کے حصے میں ایک وکٹ آئی۔
ایشیا کپ کی تاریخ میں یہ پہلا موقع ہے جب کسی ٹیم کے سپنرز نے مخالف ٹیم کی تمام وکٹیں اُڑائیں۔
اس کے علاوہ یہ پہلا موقع ہے کہ پوری بھارتی ٹیم ون ڈے میچ میں اسپنرز کے ہاتھوں آؤٹ ہوئی۔
بھارت کی جانب سے کپتان روہت شرما 53 رنز بناکر نمایاں رہے، اوپنر شبمن گل 19 رنز بناکر آؤٹ ہوئے، ویرات کوہلی3، کے ایل راہول 39 پر پویلین لوٹے۔ اس کے علاوہ ایشان کشن 33 رنز بناسکے، اس کے علاوہ کوئی بھی بھارتی بیٹر سری لنکن سپنرز کے سامنے زیادہ رنز نہیں بناسکا۔
47 اوورز کے بعد بارش کے باعث میچ تھوری دیر روکا گیا تاہم کچھ دیر کے بعد کھیل دوبارہ شروع کیا گیا تھا تاہم 49.1 اوورز میں پوری بھارتی ٹیم آؤٹ ہوگئی۔
