کوئٹہ: بلوچستان کے ضلع مستونگ میں دھماکے سے جے یو آئی رہنما اور پی ڈی ایم کے ترجمان حافظ حمد اللہ زخمی ہوگئے۔
پولیس ذرائع کا بتانا ہےکہ دھماکا حافظ حمد اللہ کی گاڑی کے قریب ہوا ہے جس میں وہ زخمی ہوئے. بم سڑک کنارے نصب کیا گیا تھا ، حافظ حمد اللہ کو فوری طور پر طبی امداد کے لیے قریبی سپتال منتقل کیا گیا جہاں سے انہیں کوئٹہ ہسپتال منتقل کر دیا گیا ہے – حافظ حمداللہ کی حالت خطرے سے باہر بتائی جاتی ہے.
ذرائع کے مطابق دھماکے میں مجموعی طور پر 8 افراد زخمی ہوئے ہیں جن میں حافظ حمداللہ کے گن مین بھی شامل ہیں جنہیں ہسپتال منتقل کردیا گیا ہے۔
