اسلام آباد: نگران وزیراعظم انوارالحق کاکڑ نے اپنی کابینہ کی تشکیل کے لیے مشاورت تیز کردی۔
ذرائع کے مطابق نگران وزیراعظم نے تمام شخصیات کے پروفائل کا خود جائزہ لینے کا فیصلہ کیا ہے اور انوار الحق کاکڑ نے اپنی کابینہ کو بھی مختصر رکھنے کا فیصلہ کیا ہے۔
ذرائع کا کہنا ہےکہ نگران وزیراعظم نے اپنے رفقا سے گفتگو میں کہا کہ معاشی مشکلات کے شکار ملک پر مزید بوجھ نہیں ڈالنا چاہتا، میرا پروٹوکول کم سے کم رکھا جائے، اخراجات اورلوگوں کو تکلیف نہ ہو۔
ذرائع کے مطابق کابینہ کے لیے اس وقت نگران وزرا کے ناموں پر غور جاری ہے جن میں جلیل عباس جیلانی، شعیب سڈل، عبدالحفیظ شیخ، احسن بھون، سرفرازبگٹی اور ذوالفقارچیمہ کے نام زیرغور ہیں۔
ذرائع کا کہنا ہےکہ محمد علی درانی کو وزارت اطلاعات کا قلمدان دیے جانے کا امکان ہے۔
