نیب نے اہم شخصیات کیخلاف ونڈ پاور منصوبوں کی تحقیقات بند کر دیں

53

قومی احتساب بیور (نیب) نے قانون میں ترمیم کے بعد دائرہ اختیار سے خارج کرپشن کیسز بند کرنے کا سلسلہ شروع کردیا۔ چیئرمین نیب نے ایگزیکٹوبورڈ میں کیسز بند کرنے کی منظوری دی۔

چیئرمین نیب نے 16ونڈ پاور منصوبوں کی تحقیقات بند کرنے کی منظوری دیدی۔ ونڈ پاور منصوبوں کےاپ فرنٹ ٹیرف سےقومی خزانے پر بوجھ اور منی لانڈرنگ کا الزام تھا۔

ترجمان نیب کے مطابق نئے قانون کے تحت ونڈ پاور منصوبوں میں کرپشن کی تحقیقات کا مجاز نہیں رہا تاہم فیصلہ ان کیسز کی کسی دیگر ایجنسی یا فورم سے تحقیقات کو متاثرنہیں کرے گا۔

نیب نے سیکرٹری وزارت توانائی کو خط لکھتے ہوئے ریکارڈ حوالگی کیلئے افسر کا نام طلب کرلیا۔

Leave A Reply

Your email address will not be published.