سوڈان سے بحفاظت نکالےگئے پاکستانیوں کی تعداد 700 ہوگئی: بلاول

321

وزیرخارجہ بلاول بھٹو زرداری نے سوڈان سے پاکستانیوں کے انخلا سے متعلق کہا کہ وزارت خارجہ سوڈان میں پاکستانیوں کی ریلیف اور ریسکیو میں پیش پیش ہے۔

ایک بیان میں بلاول بھٹو زرداری نے کہا کہ آج خرطوم سے 211 پاکستانیوں کو لے کر ایک اور قافلہ پورٹ سوڈان پہنچ گیا ہے، سوڈان سے بحفاظت نکالےگئے پاکستانیوں کی تعداد 700 ہوگئی۔

انہوں نے کہا کہ خرطوم اورپورٹ سوڈان میں سفیرکی ٹیم پاکستانیوں کے قیام کی سہولت کیلئےکام کررہی ہے، پاکستانیوں کے انخلا کا عمل آسان بنانے کیلئےدوست ممالک خصوصاً سعودی عرب مصروف عمل ہے۔

وزیر خارجہ نے سیکرٹری خارجہ اسد مجیدکی سربراہی میں دفترخارجہ کی پوری ٹیم کا شکریہ ادا کیا۔

Leave A Reply

Your email address will not be published.