جیکولین فرنینڈس کو  بھارتی عدالت نے  آئیفا ایوارڈز تقریب میں شرکت کے لیے ابوظبی جانے کی اجازت دے دی

303

باکس آفس پر بالی ووڈ کی کئی کامیاب فلموں کی ہیرؤین جیکولین فرنینڈس کو  بھارتی عدالت نے  آئیفا ایوارڈز تقریب میں شرکت کے لیے ابوظبی جانے کی اجازت دے دی۔

 تاہم اس حوالے سے بتایا جاتا ہے کہ دہلی کی عدالت نے ہفتے کو انہیں بعض شرائط کے ساتھ بھارت سے باہر جانے کی اجازت دی ہے۔

یاد رہے کہ جیکولین سے منی لانڈرنگ کے ایک کیس میں انفورسمنٹ ڈائریکٹوریٹ تحقیقات کررہی ہے۔

اس کیس میں جیکولین کے خلاف فراڈ میں ملوث سوکیش چندرا شیکھر کے ساتھ 200 کروڑ بھارتی روپے بطور بھتہ لینے کا الزام ہے۔  

وہ اس سے قبل منی لانڈرنگ کے اس کیس میں تحقیقاتی ایجنسی کے سامنے سوکیش اور دیگر کے خلاف تفتیش کے حوالے سے پوچھ گچھ کے لیے  پیش ہوچکی ہیں۔

Leave A Reply

Your email address will not be published.