بورے والا (سید ساجد حسین نقوی) ڈسٹرکٹ پولیس آفیسر وہاڑی محمد عیسیٰ خان کی ہدایات پر وہاڑی پولیس کی جرائم پیشہ افراد کے خلاف کارروائیاں، مختلف جرائم میں ملوث 28 ملزمان گرفتار کر لئے گئے.
پولیس تھانہ شیخ فاضل نے مختلف کاروائیوں میں 4 ملزمان کو گرفتار کر کے 3600 گرام چرس، 30لیٹر شراب اور اسلحہ ناجائز پسٹل 30 بور برآمد کیا.
پولیس تھانہ لڈن نے 14 جواریوں کو گرفتار کرکے داؤ پر لگی رقم 77 ہزار روپے اور جواء پر لگا سامان مالیتی 5 لاکھ روپے برآمد کیا.
پولیس تھانہ سٹی بوریوالا نے منشیات فروش فراز عرف نومی کو گرفتار کر کے 3 کلو چرس برآمد کی.
پولیس تھانہ میراں پور نے منشیات فروش تنویر کو گرفتار کر کے 1510 گرام چرس برآمد کی.
پولیس تھانہ صدر بوریوالا نے موٹر سائیکل چور شوکت علی عرف بوٹا کو گرفتار کر کے 3 عدد مسروقہ موٹر سائیکل برآمد کر لئے.
پولیس تھانہ گڑھا موڑ نے 3 ملزمان کو گرفتار کر کے منشیات فروش سلیم سے 1400 گرام چرس جبکہ ماجد اور آصف سے اسلحہ ناجائز 2 عدد پسٹل برآمد کئے.
ضلع وہاڑی کے مختلف علاقوں سے 4 مجرمان اشتہاری بھی گرفتار کئے گئے. اس موقع پر ڈی پی او وہاڑی عیسیٰ خان سکھیرا کا کہنا تھا کہ
جرائم پیشہ افراد کے خلاف کاروائیاں مسلسل جاری رہیں گی.
