پاکستان نے ترکمانستان کو ہرا کر سنٹرل ایشین والی بال چیمپئن شپ جیت لی  

151

پاکستان نے ترکمانستان کو شکست دے کر سنٹرل ایشین والی بال چیمپئن شپ جیت لی۔

اسلام آباد کے لیاقت جمنازیم سپورٹس کمپلیکس میں کھیلے گئے فائنل میں پاکستان اور ترکمانستان کے درمیان مقابلہ ہوا۔

پاکستان نے پہلے دونوں سیٹ 21-25، 19-25 سے اپنے نام کیے، تیسرے سیٹ میں ترکمانستان نے 25-20 سے کم بیک کیا۔ پاکستان نے میچ کا چوتھا سیٹ 14-25 سے جیت کر ٹائٹل اپنےنام کرلیا۔

پاکستان 6 لگاتار میچز جیت کر چیمپئن شپ میں ناقابلِ شکست رہا۔ قومی ٹیم نے مجموعی طور پر 18 سیٹ جیتے اور 3 ہارے۔ 

تیسری پوزیشن کے میچ میں کرغزستان نے سری لنکا کو ایک کے مقابلے تین سیٹ سے شکست دےدی۔ 

وفاقی وزیر احسن اقبال نے اختتامی تقریب میں بطور مہمان خصوصی شرکت کی اور کھلاڑیوں میں میڈلز تقسیم کیے۔

Leave A Reply

Your email address will not be published.