اسلام آباد: راول ڈیم میں پانی کی سطح بلند ہونے کے بعد سپل ویزکھول دیئے گئے۔ راول ڈیم میں پانی کی سطح 1749.65 فٹ تک پہنچ گئی جس کے بعد اس کے سپل ویز کھولے گئے ہیں۔ سپل ویز کھولنے کا مقصد ڈیم میں پانی کی سطح کو کنٹرول کرنا ہے۔
صورتحال کے پیش نظر ڈپٹی کمشنر اسلام آباد نے تمام رسپانس یونٹس، محکموں، مانیٹرنگ کیمپوں اور ریلیف کیمپوں کو الرٹ رہنے کی ہدایت کردی، دریائے کورنگ کے کنارے پولیس ریزرو اور ایل ای اے بھی تعینات کیے جائیں گے، راولپنڈی کی انتظامیہ کو بھی آن بورڈ لیا گیا ہے۔
